अनपेक्षित भेट

शाळा आली तसे ते बसमधून उरतले. शाळेतील स्टाफरूममधील त्यांच्या कपाटातील वह्या घेऊन तेथील टेबलावर ठेवून तिथेच खुर्चीवर बसून तपासले. दोन चार कर्मचारी होते तिथे सोबतीला. काही वेळानंतर ते पुन्हा घरी जाण्यास निघाले. दुपार झाल्याने बाहेर खूप ऊन होतं. आता बस नसणार म्हणून त्यांनी रिक्षाने जायचे ठरवले. त्यात लगेच समोरून एक रिक्षा येताना दिसली. त्यांनी हात दाखवून ती थांबवली आणि त्यात बसणार तोच पलिकडून पण कोणीतरी बसलं. त्या व्यक्तीने कोठे जायचे ते ठिकाण सांगून पर्स मांडीवर ठेऊन बाजूला पाहिले. तर माधव समोर पाहत होते. रिक्षा चालू झाली. त्या त्यांना बोलत करण्यासाठी म्हणाल्या," जिथे मला जायचे आहे, तुम्हालाही त्याच ठिकाणी जायचे आहे का?"