अनुत्तरित भाग-३(अंतिम)

" हे बघा, तुम्ही तुमच्या मुलीला गमावले आहे, हे आम्ही समजू शकतो; परंतु आम्हाला कुठलेच पुरावे मिळाले नाहीयेत की, नील आणि मावशी यांनी तुमच्या मुलीला जाळून मारण्याचा प्रयत्न केलेला आहे असे वाटावे. कारण तुमच्या मुलीने स्वतःहूनच आतमधून कडी लावलेली होती. कुठेही तिने वाचवा, हा शब्द सुद्धा जळत असताना काढलेला नव्हता, त्यामुळे आम्हाला ही आत्महत्याही वाटत आहे, तसेच तो अपघात सुद्धा असू शकतो, कारण दोन खोलीचेच घर होते आणि त्याच्यामध्ये जर चुकून रॉकेल तिच्यावर पडून जर जेवण बनवत असताना अचानक पेट घेतला असेल तर ही सुद्धा शक्यता नाकारता येत नाही. कारण स्वयंपाकघर सुद्धा ते झोपण्यासाठी वापरत होते, हे आम्हाला चौकशी दरम्यान समजले होते. त्यामुळे जर त्या दोघांनी गुन्हा केलेलाच नाहीये, तर त्यांना शिक्षा होऊ शकत नाही.