अपप्रचार भाग-१

असे नव्हते की, तिला लोकं काय बोलत होते त्याचा फरक पडत नव्हता, परंतु प्रत्येकाशी वाद घालण्यामध्ये वेळ वाया जाईल;  तसेच त्यामुळे कामाकडे दुर्लक्ष होईल असा विचार करून ती कामाकडे जास्त लक्ष द्यायची. तिच्या वैयक्तिक आयुष्याबद्दल तिने कोणाला काही सांगायचं नाही,  असा निर्णय घेतला होता.  कारण तिच्या आधीच्या कंपनीमध्ये काम करत होती. तिथे सुद्धा तिने एका विश्वासू व्यक्तीला सर्व सांगितल्यावर त्यांनी तिची चूक आहे, असे सांगून तिच्यावर नको ते आरोप केले होते आणि त्यामुळे तिला मनाविरुद्ध ती कंपनी सोडावी लागली होती.