"किती तो पसारा घरामध्ये, जरा म्हणून तुला घर नीट ठेवायची सवय नाही, एक गोष्ट जाग्यावर सापडली तर शपथ?" दुष्यंत इकडे तिकडे वस्तू शोधत होता.
"अरे पण, सकाळी जाताना तूच तर कपडे इकडे तिकडे फेकलेस. कुठली फाईल सापडत नव्हती म्हणून अख्ख कपाट खाली घेतलंस." प्रिया हाताला येईल तो पसारा आवरत म्हणाली.
"ढकला माझ्यावर.. लोकांच्या बायका बघायला गेलं तर किती टापटीप घर ठेवतात. नवऱ्याला सगळं जागच्या जागी देतात. आणि एक तू.. जाऊदे तुझ्याशी बोलण्यात अर्थच नाही."
दुष्यंत चिडचिड करत बाथरूम मध्ये निघून गेला आणि प्रिया त्या बंद दाराकडे बघतच बसली.
गेल्या चार ते पाच महिन्यापासून हे नेहमीच झालं होतं. घरातल्या छोट्या छोट्या गोष्टींसाठी दुष्यंत प्रिया सोबत वाद घालायला लागला होता. पाच वर्षे झाली होती दोघांच्या लग्नाला. दोघेही जॉब करायचे छोट्या रितूला पाळणा घरात ठेवलं होतं कारण दोघेही नोकरी करण्यासाठी गावापासून दूर शहरात राहायचे.दोघेही संध्याकाळी सोबतच घरी यायचे आणि येताना रितूला पाळणाघरातून घेऊन यायचे.
प्रिया घर नोकरी सर्व व्यवस्थित मॅनेज करत होती. पण हे सर्व करताना तिचीही तारेवरची कसरत व्हायची. अगोदर दुष्यंत तिला समजून घ्यायचा परंतु गेल्या काही महिन्यांपासून दुष्यतच वागणं कमालीचं बदललं होतं. त्याला प्रियाची कुठलीच गोष्ट पटत नव्हती. याच्या राहण्यावर घरातील पसारावर तू नेहमीच काही ना काही बोलत राहायचा. छोट्या छोट्या गोष्टींवर तुझ्याशी वाद घालायचा आणि प्रत्येक वादामध्ये दुष्यंत
' लोकांच्या बायका बघायला गेलो तर...'
हे वाक्य दोनदा तीनदा तरी प्रियाला ऐकवायचा.
प्रिया घर नोकरी सर्व व्यवस्थित मॅनेज करत होती. पण हे सर्व करताना तिचीही तारेवरची कसरत व्हायची. अगोदर दुष्यंत तिला समजून घ्यायचा परंतु गेल्या काही महिन्यांपासून दुष्यतच वागणं कमालीचं बदललं होतं. त्याला प्रियाची कुठलीच गोष्ट पटत नव्हती. याच्या राहण्यावर घरातील पसारावर तू नेहमीच काही ना काही बोलत राहायचा. छोट्या छोट्या गोष्टींवर तुझ्याशी वाद घालायचा आणि प्रत्येक वादामध्ये दुष्यंत
' लोकांच्या बायका बघायला गेलो तर...'
हे वाक्य दोनदा तीनदा तरी प्रियाला ऐकवायचा.
आणि हे का झाले हे न समजण्याइतकी प्रिय दूधखुळी नक्कीच नव्हती. वर्षभरापूर्वी प्रियाच्या दिराचं लग्न झालं होतं. सहा महिन्यापासून प्रियाच्या दिराची मुंबईत ट्रान्सफर झाल्यामुळे दोघेही नवरा बायको तिकडे राहायला आले होते. दुष्यंत आणि प्रियाच्या घरापासून एक स्टेशन पुढे दोघांनी फ्लॅट घेतला होता. प्रियाची जाऊ सीमा रविवारी रितूला भेटायला बोलवायची. प्रियाला आठवडाभराची तयारी करायची असल्यामुळे दुष्यंत रितूला घेऊन सुमितच्या म्हणजे त्याच्या भावाच्या घरी जायचा. आणि तिला सोडून घरी यायचा. जेव्हापासून सीमा आणि सुमित मुंबईत राहायला आले होते तेव्हापासून दुष्यंत कमालीचा बदलला होता.
नेमकं असं काय घडत होतं की दुष्यंतला प्रियाच्या प्रत्येक गोष्टीमध्ये चुका दिसत होत्या. बघूया पुढच्या भागांमध्ये...