अपेक्षांचे ओझे    अंतिम

प्रांजल पुढे म्हणते, " मी आय. टी मध्ये असल्यामुळे मला कामाचं प्रेशर जास्त असत. रितेश सुद्धा त्याच क्षेत्रात आहे त्यामुळे त्याला माहित आहेतच. अगदी रात्री सुद्धा काम करतो आम्ही. सासूबाई चं म्हणणं की कामावर जायच्या आधी सर्व करून जा. मी घरी बाई लावायचा प्रयत्न केला तर यांना घरी बाई चालत नाही. तेही अड्जस्ट करत मी काम करत होते. घरच सर्व करून, ऑफिस सांभाळायचं. शिवाय सर्व गोष्टी सर्वांच्या हातात द्यायच्या. रितेश ला म्हणाले की आईना सांग, आपण एक बाई कामाला ठेऊ. मी घरच- दारच करून खूप थकते. हवं तर मी पैसे देते बाईला. त्यावर रितेश चिडला आणि मला ऐकवू लागला. तू मला जाणीव करून देतेस का? तू माझ्यापेक्षा जास्त कमावते याची ? यावरून वाद केला. त्यामुळे बाई विषय बंद झाला.