अपराधी कोण

" काळजावर दगड म्हणे. उलट जास्तीत जास्त टीआरपीची घटना सापडली म्हणून आनंदाच्या उकळ्या फुटत असतील तिच्या मनात. आणि या मेघनाला पण आजच मरायचे होते. उद्यापासून सुट्टी सुरू होणार होती. ती ही कमिशनरसरांनी कॅन्सल केली. म्हणे मोठी लेखिका होती. वरून प्रेशर यायला सुरुवात झाली. अरे असेल ती मोठी तिच्या घरी. त्यासाठी सुट्टीचे वांदे करायचे? आता नीलम पण चिडणार." स्वतःशीच बडबडत प्रशांत घराची तपासणीही करत होता. आतमध्ये मेघनाची दोन्ही मुले भेदरून तिच्या नवर्‍याजवळ, अनमोल जवळ बसली होती. अनमोलच्या चेहर्‍यावर दुःख स्पष्ट दिसत होते. त्या मुलांना बघून प्रशांतला आपल्या लेकीची आठवण आली. मनातून तो विषय बाजूला सारून तो पुढे जाणार तोच स्वयंपाकघरातून एक स्त्री बाहेर आली.