अपूर्ण प्रेमहाणी _ मनाचा कौल _ भाग ३

"तुमच्या बाबांनी माझ्याशी स्वतःहून लग्न ठरवलं म्हणून बरं झालं नाहीतर मी तुम्हाला मागणी घालणारच होतो. मी तुमच्याच कॉलेजमध्ये होतो.  तुमची आणि माधवची मैत्री पण मला माहिती आहे.   कॉलेजमध्ये असल्यापासूनच मी तुमच्यावर प्रेम करतोय. तुम्ही खूप सुंदर आहात.  तुमच्या साध्या राहणीने माझ्या मनावर कधीच भुरळ घातली आहे.  तुमचे काळेभोर बदामी टपोरे डोळे, लांब सरळ केसांची पाठीवर रुळणारी एक वेणी, गालावर पडणारी मोहक खळी यात मी कधीच अडकलो आहे.   यात सर्वात भर म्हणून तुमचा मृदू स्वभाव.  तुम्हाला मी नेहमी सगळ्यांशी खूप हसून खेळून वागताना पाहिलं आहे. आज मी तुम्हाला प्रत्यक्ष विचारतो आहे तुम्हाला माझ्याशी लग्न करायला आवडेल ना."