अपूर्ण प्रेमहाणी _मनाचा कौल _ भाग ४

"माधव ते मला काय माहित नाही आपलं किती आयुष्य उरलंय हे सर्व त्या देवालाच माहीत. हो पण या घडीला मला तुझा आधार हवाय.  मला तुझ्याकडून काहीच अपेक्षा नाही.  आपण दोघं एकत्र राहू हेच माझ्यासाठी खूप महत्त्वाचं आहे.  कधीतरी तू मला चहा करून दे, कधीतरी मी तुला चहा करून देईन.  मी तुझ्यासाठी लोकरीचा स्वेटर विणेन.  तुला आठवतं मी आधी पण तुझ्यासाठी एक स्वेटर विणायला घेतला होता पण तो अर्धवटच राहिला.  आपण दोघं इथल्या निसर्गरम्य समुद्रकिनाऱ्यावर जाऊन बसू.  इतक्या वर्षातल्या राहिलेल्या गप्पा निवांतपणे मारू. तारुण्यातलं आपलं जे सुख  हरवलं त्याचा शोध घेऊ. एकमेकांच्या सहवासात उरलेलं आयुष्य आनंदाने व्यतीत करू."