असला नवरा नको गं बाई (भाग ३)

ती रोज देवाला प्रार्थना करू लागली की, "माझ्या नवऱ्याची ही सुधारणा कायम टिकू दे रे देवा आता तुझ्यावरच भरोसा माझा."पण म्हणतात ना पुरुषाला एकदा का बसून खायची सवय लागली तर ती सवय लवकर सुटत नसते. तसंच झालं. विजय
लहानपणापासूनच मुळातच ऐतखाऊ होता. त्याला निव्वळ बसून तुकडे तोडायची सवय होती. सुरुवातीचे दोन महिने कसाबसा तो सुधारला, पण नंतर हळूहळू जुन्या सवयी उफाळून जाग्या होऊ लागल्या. नोकरीची धडपड, कामाचा ताण, यामुळे तो चिडचिडा होऊ लागला. त्यामुळे दोनच महिन्यात तो हातातील नोकरी सोडून घरी बसला. नुसते बसून कायं करणार म्हणतात ना रिकामे विचार सैतानाचे घर असते त्यामुळे विजय पुन्हा दारू पिऊ लागला.