असेही मातृत्व ( भाग 3 )

"आपली खूप मोठी फसवणूक झाली आहे.जावईबापूंना लग्नाच्या अगोदरपासूनच फुफ्फुसाचा आजार होता.त्यांच्या आईची इच्छा होती की, आपल्या मुलाचे लग्न व्हावे, संसार व्हावा. म्हणून त्यांनी मुलाचे लग्न केले.मुलावरील आपल्या प्रेमापोटी,स्वतः च्या इच्छेसाठी त्यांनी आपल्याला अंधारात ठेवले.आपल्याला त्यांच्या आजाराबाबत काही सांगितले नाही म्हणजे ही आपली फसवणूकच झाली ना?त्यांच्या वागण्याबोलण्यातून आपल्याला ते सर्व चांगले वाटले.त्यामुळे आपणही जास्तीची चौकशी, विचारपूस वगैरे काही केले नाही. आपल्यालाही कोणी काही सांगितले नाही. तिथे लोक आपआपसात बोलत होते तेव्हा आम्हांला समजले.त्याच क्षणी तुझ्या सासरच्या लोकांना या सर्व गोष्टीचा जाब विचारावा असे वाटले.पण दुःखाचा प्रसंग पाहून आम्ही शांत राहिलो."