असेही मातृत्व ( भाग 4 )

हे सर्व ऐकून प्रतिभाच्या आईबाबांना तर काय करावे? हेच सूचत नव्हते. त्यांना प्रतिभाची आणि तिच्या बाळाची काळजी वाटत होती.प्रतिभाला मुलगा झाल्याचे तिच्या सासरी कळाले होते पण ते पाहण्यासही आले नाही आणि नंतर काही संबंधही ठेवला नाही.
सासरच्यांनी संबंध ठेवले नाही आणि प्रतिभाच्या माहेरच्यांनीही केस वगैरे न करता,आहे ती सत्य परिस्थिती स्विकारून प्रतिभाला पुढे जगण्यासाठी पाठबळ देण्याचे ठरवले.प्रतिभाचे आईवडील हे तिचे आईवडील म्हणून जबाबदारी पार पाडत होते आणि प्रतिभा आपल्या मुलाची आई म्हणून आपली जबाबदारी पार पाडत होती.
फसवणूक,अन्याय,राग वगैरे या सर्व गोष्टी एकीकडे होत्या. काळानुसार त्या मागेही पडतील पण मिळालेले मातृत्व विसरता येणार नव्हते. बाळाची आई म्हणून त्याची काळजी घेणे प्रतिभाला करावेच लागणार होते आणि ते ती करत होती.