अशी ही एक लव्हस्टोरी पार्ट १०

" नाय बा...आता नुसतं तोंडी आमाला नगं...सांच्याला आमी कागदपत्र करून आणतो यांचा त्यावर बस तुमी तुमचा अंगुठा उमटवा..." बापु मनातुन खुश असतात पण तरी वरून कठोर पणे बोलतात..तो मात्र बरं म्हणून निघून जातो...सांच्याला बापु कागदपत्र आणतात आणि त्यावर साईन पण त्याची करून घेतात...त्यात एक कोरा कागद ही असतो ..... पण ते त्याला सांगतात कि ते फक्त त्याची गम्मत करत होते...कि तो खरच तयार होतो का हे पाहण्यासाठी आणि हसुन सर्व कागद ते फाडून ही टाकतात...बापुंच हे वागणं मात्र त्याला बुचकळ्यात पाडतं...पण आपल्यावर बापुंचा तसंही पहिल्यापासुन विश्वास आहे त्यामुळे ते खरंच गम्मत करत असतील असा विचार करून तो सर्व  सोडून देतो...