अशी जुळली गाठ. भाग - १२

थोड्या वेळातच कबीर आणि इशिता बदलापूरला जायला निघाले. गाडीत दोघेही शांत होते. कबीर अधूनमधून तिच्याकडे बघत होता पण ती काही केल्या त्याच्याकडे बघत नव्हती. आता कबीरला काही करून तिला पुर्ण सत्य सांगायचं होतं आणि ही तिच वेळ होती हे ही त्याला माहित होते पण इशिता आपलं बोलणं ऐकून घेणार नाही हे सुद्धा त्याला चांगलंच माहीत होतं. मग त्याने त्याच्या एका मित्राला काॅल केला आणि बरोबर लग्नाचा विषय काढून गावी गेल्यावर तिथे काय काय झालं ते त्याला सांगितले. त्याच्या बाबांनी त्याला कशी जबरदस्ती केली हे सुद्धा सांगितले. ते बोलणं ऐकून इशिताला धक्काच बसला. त्याने फोन ठेवल्यावर ती त्याच्याकडे बघू लागली.