अशी जुळली गाठ. भाग - १४

"तुम्ही आता माझ्या राज्यात आहात समजलं, त्यामुळे माझाच आवाज वाढणार." सान्वी म्हणाली आणि पुढे जाऊ लागली तोच कबीरने तिचा हात धरला आणि तिला मागे ओढलं. बिचारा समीर ते बघून तिथून निघूनच गेला. सान्वी बेसावध असल्यामुळे ती मागे वळताच त्याच्या छातीवर धडकली. ती खाली पडणार तोच त्याने कमरेवर हात ठेवून तिला सावरलं. आता दोघांच्या चेहऱ्यामध्ये खुप कमी अंतर होते. दोघेही एकमेकांच्या डोळ्यात बघत होते.