अशी जुळली गाठ. भाग - २०

"मी या गोष्टींवर विश्वास ठेवत नाही हे जरी खरे असले तरी गुरूजींच्या बोलण्यात तथ्य आहे. ते म्हणताय तसं खरंच मी द्विधा मनस्थितीत आहे. एकाच वेळी मी दोघींचाही विचार करत आहे. मला नेमकं काय हवंय तेच मला कळत नाहीये. काय करू मी, कसं यातून बाहेर पडू. आता एवढं सगळं झाल्यावर मी सान्वीला बाजूला करू शकत नाही आणि इशिताला विसरणं मला जमणार नाही." कबीर मनातल्या मनात स्वतःचीच बोलत होता. किती तरी वेळ तो त्या दोघींचाही विचार करत होता. खुप प्रयत्न करूनही त्याच्या मनातून दोघीपैकी एकीचाही विचार जात नव्हता.