अशी जुळली गाठ. भाग - २९

"दादा… तू काहीच उत्तर देत नाहीये, याचा अर्थ मी काय घ्यायचा?" श्रावणीने विचारलं. पण तरीसुद्धा कबीर काहीच बोलला नाही.
"तुझ्या गप्प राहण्यातच मला माझं उत्तर मिळाले आहे दादा, पण तू हे खुप चुकीचे वागतोय. वहिनी तुला खूप मान देतेय, तिचं तुझ्यावर प्रेम तर आहेच पण त्याहून जास्त तिचा तुझ्यावर विश्वास आहे. ती स्वतःला तुझ्या आयुष्यात बसवायचा प्रयत्न करतेय… पण तू तिला अजून मनाच्या दारातच थांबवून ठेवलंय." श्रावणी स्पष्ट आणि परखड शब्दात बोलली. कबीर मात्र शांत होता. तिथे क्षणभर शांतता पसरली. नंतर कबीर बोलू लागला.