अशी जुळली गाठ. भाग - ४०

"आई, तुला माहितीये ना आमचं लग्न कोणत्या परिस्थितीत झालं आहे ते... त्यावेळी फोटोही धड काढले नाही, त्यानंतर परत फोटो काढायला वेळही मिळाला नाही आणि आता मी आणि हे बाहेर फिरायला जाणार होतो पण त्यांच्या ऑफिसमध्ये एक प्राॅब्लेम झाला. त्यामुळे नाही जाता आलं. तो प्राॅब्लेम साॅल्व्ह झाला की मग आम्ही फिरायला जाणार आहोत ना मग तेव्हाच छान फोटो काढू आणि इथे लावू. तुम्ही पुढच्या वेळी याल ना तेव्हा तुम्हाला दिसतील मग आमचे फोटो." सान्वी त्यांना पटवून देत होती. खरं तर त्यांचं नातंच कबीरने मान्य केले नव्हते त्यामुळे फोटो काढलेच नव्हते. पण आता इथून पुढे ते कबीर नक्की काढेल हा विश्वास तिला होता.