अशी जुळली गाठ. भाग - ४९

"थॅंक्यू सो मच कबीर, खुप छान सरप्राईज दिलं तुम्ही मला. हे सगळं खुप आवडलं मला." सान्वी म्हणाली आणि तिने त्याला मिठी मारली आणि तिला दोन्ही हातांवर उचललं आणि बेडवर घेऊन गेला. ती अजूनही त्याच्या हातांवरच होती, त्यामुळे दोघांचेही चेहरे अगदीच जवळ आले होते. दोघांमधलं अंतर जणू श्वासाइतकंच उरलं होतं. त्याचे श्वास तिच्या कानापर्यंत जात होते. त्यामुळे तिचं शरीर थरथरत होतं, पण तरीही तिला तो क्षण हवाहवासा वाटत होता. त्याच्या मिठीत तिला जणू स्वर्ग सुखाचा आनंद वाटत होता. तर त्याच्या नजरेत न बोललेलं प्रेम होतं. क्षणभर दोघेही स्तब्ध झाले आणि एकमेकांच्या नजरेत बघू लागले. त्या मेणबत्तीच्या प्रकाशात त्यांचे डोळेच जणू काही सगळं बोलत होते. ती वेळ जणू काही त्यांच्यासाठी थांबली होती. त्याने अलगद तिच्या गालाला स्पर्श केला आणि त्याच वेळी तिचं हृदय धडधडू लागलं.