अशी जुळली गाठ. भाग - ५७

"दादाचा भुतकाळ काय होता तो आम्हाला कोणालाच माहीत नाही, पण त्याचा वर्तमान आणि भविष्य तू आहेस हे आम्हाला माहीत आहे. वहिनी, खरं तर यात दादाचीही चुक नाहीये. तू दादाला दोष द्यायला नव्हता पाहिजे कारण तुमचं लग्न अचानक झालं होतं, तिथे ना दादाची मर्जी विचारली होती ना तुझी मर्जी विचारली होती, पण लग्न झाल्यापासून दादा तुझ्याशी प्रामाणिक आहे. तसं नसतं तर त्याने इशिताला इथून जाऊच दिलं नसतं. तू त्याला बोलण्याआधी थोडा तरी विचार करायला हवा होता. त्याला किमान घरी तरी येऊ द्यायचं होतं, मग त्याच्याशी बोलायचं होतं. म्हणजे तुझी तब्येत बिघडली नसती." श्रावणी म्हणाली. खरं तर कबीरचा ॲक्सिडंट सान्वीमुळेच झाला असं श्रावणीला मनापासून वाटत होते, पण तिने तसं बोलून दाखवलं नाही.