अश्शी सासू सुरेख बाई

"हे बघ पूर्वा, तुला असं स्वतः हून वाटतं आहे; त्यामुळे मी काहीच बोलत नाही. हा.. पण तुला याची जाणीव होतेय हेच माझ्यासाठी खूप आहे. अग इतरांच्या सूनांच बघते मी, त्या अगदी तुझ्यासारख्याच ऑफिसला जातात आणि घरी आल्यावर धड बोलतही नाही घरातल्या लोकांशी, निदान तू तसे तरी करत नाही. तू अजून नवीन आहेस इथे, लग्नाला आता कुठे महिना होत आला असेल.. मग तुझ्याकडुन मी इतक्या अपेक्षा कशा करू शकते? मी सुद्धा समजू शकते, की आजकाल बाहेर नोकरी करणे म्हणजे काही सोप्पं काम नाहीये. तू बाहेर सुद्धा काम करतेस आणि घरी आल्यावर कधी कधी तर माझ्या आधी किचनमध्ये जाऊन उभी असतेस फोन घेऊन, ते मोबाईलमध्ये बायका काय काय बनवायला शिकवत असतात ते व्हिडिओ बघत असतेस."
सासूबाई बोलत होत्या आणि पूर्वा त्यांचं ऐकत होती.