अशी जुळली गाठ. भाग - ५

"हाय कबीर, यार काय मस्त सरप्राईज दिलं तू मला... मला वाटलं होतं की तू अजून गावीच असशील पण तू तर लवकर आलास. किती आनंद झालाय तुला बघून हे मी तुला सांगू शकत नाही. तुला माहितीये का मी बाहेर तुझी गाडी पाहिली तसं धावतच इथे आली. आय एम सो हॅपी, आजचा माझा दिवस खुप छान जाणार आहे. आय लव्ह यू कबीर, मला वाटलंच होतं तू मला सोडून जास्त दिवस गावी राहू शकत नाही. म्हणूनच लगेच आलास ना.... माझी आठवण येत होती ना तुला." इशिताने खुश होऊन त्याला घट्ट मिठी मारली. पण त्याचे दोन्हीही हात तसेच हवेत तरंगलेले होते. तो एकदमच स्तब्ध झाला होता. काय बोलावं आणि काय नाही त्याला काहीच कळत नव्हते, डोकं पुर्ण सुन्न झाले होते. इशिताकडे बघायची सुद्धा हिंमत होत नव्हती.