अस्तित्व-भाग 1

यावर शांत बसनच योग्य असा विचार करून दिलीपराव काहीच बोलले नाही.

काही दिवसांपूर्वी आकाश जाधव या मुलाशी मनालीचे लग्न ठरले होते.
आकाश हा शालिनीताई आणि माधवराव जाधव यांचा एकुलता एक मुलगा होता. हुशार,एका मोठ्या आयटी कंपनीत जॉबला होता. तर मनाली बिनधास्त, लाडात वाढलेली कांचन ताई आणि दिलीप देसाई यांची मोठी मुलगी. मनालीला लहान पणापासून गाण्याची आवड होती त्यामुळे तिने संगीतात एम. ए. केले होते.शहरात होणाऱ्या बऱ्याच गाण्याच्या कार्यक्रमासाठी मनाली न चुकता जात असे कधी स्वतः गाण्यासाठी तर कधी ऐकण्यासाठी.
अशाच एका संगीत कार्यक्रमांतर्गत आकाश आणि मनाली एकमेकांना भेटले होते.आकाशला पाहता क्षणी मनाली आवडली होती. त्याने आपल्या आईवडिलांशी बोलून मनालीला लग्नाची मागणी घातली होती.मनालीच्या आई-वडिलांना ही आकाश आवडला होता. त्यामुळे त्यांनीही लग्नाला लगेचच होकार दिला. घरची चांगली आर्थिक परिस्थिती ,चांगल्या पदावरची नोकरी आणि मुलगाही दिसायला चांगला म्हणून मनाली ही खुश होती.