आता मी तुमची सून नाहीये

रेवा त्यांचा जोरात पकडलेला हात झटका देऊन सोडवते..तिला आता त्यांचा तो स्पर्श ही नकोसा होतो..तो रुबाब ही बिना हक्काचा नको वाटतो..कसला आता ह्यांचा माझ्यावर अधिकार..आता ना कोणते ही नाते.. ना मी सून राहिले तरी इतका तोरा ,पुन्हा तीच आठवण झाली..एके काळी अश्याच तोऱ्यात हात पकडून मला ह्या बाईने माझ्या नवऱ्यापासून दूर केले होते, घरातून बाहेर काढले होते..पुन्हा तोंड दाखवायचे नाही हे निक्षून सांगितले होते...आता तुझा नवरा मेला आहे,मग आमच्या घरात तुझे काही अधिकार ना काही हक्क उरले नाहीत..असे भर रात्री हाकलून दिले तेव्हा तो प्रसंग काळजाला चिरून जातो..भीती वाटते ह्या बाईची..पुन्हा कधीच ह्यांच्या दारात जायचे नाही हे ठरले होते...पण आज ही पुन्हा तेच तोडलेले नाते जोडायला का आली असावी..?