अतिओढ भाग ३

सुरवातीला गोड गोड बोलून राहणारी वैभवची बायको देखील तिच्या सासूच्या माहेरच्या पुरणाला वैतागून गेली. तिने देखील वैभवला तिच्या बोलण्यात गुंतवून त्याला त्याच्या कामाच्या ठिकाणी राहण्यास सांगितले. नाहीतर तो त्याच ऑफिस सुटल की लांबचा प्रवास करून त्याच्या घरीच येत होता. त्या प्रवासात पैसाही बराच खर्च होत होता. त्यात वेळ जायचा तो वेगळाच. पावसाळ्यात तर कधी कधी भरती आल्याने त्याला घरी यायला रात्री बराच उशीर व्हायचा. हीच कारण पुढे करत वैभवच्या बायकोने त्याला कामाच्या शहरात राहायला घेऊन गेली. या नंतर तो कधी त्याच्या घरापेक्षा त्याच्या सासरी जाऊ लागला हे लताला कधीच समजल नाही.