अवनी एक प्रवास भाग ३

सायली पण त्याच्या त्या शांत चेहऱ्याकडे बघत राहिली. इतकी वर्ष तो न थकता काम करत होता. त्याने त्याच आधीच काम सोडून राहुलच्या नव्या कंपनीला जॉईन झाल्यावर त्याची धावपळ अजूनच वाढली होती. ती कार शोरूमची नवी कंपनी पूर्णतः विजयच बघत होता. त्याने त्याच्या स्किलवर तिलाही खूपच वर आणल होत.

आयुष्याचा चित्रपट आठवत कधी संध्याकाळचे सहा वाजले ते दोघांनाही समजल नव्हत. अचानक मोबाईल वाजल्याने सायली खडबडून उठली. तिने तिचा मोबाईल पहिला तर परी तिला फोन करत होती. घरातच राहून ती का फोन करत आहे? हा विचार करून तिला खूपच टेन्शन आल. तशी तिने पटकन केस बांधत तो फोन उचलला आणि बेडवरून उतरून ती दाराकडे आली.