अवनी एक प्रवास भाग १८

तस बाकीचे उगाच तोंड ताणून हसू लागले. पण मनात विचार मात्र एकच की ही गोष्ट विजयपर्यंत पोहोचली कशी? त्या नंतर विजयने त्यांच्यासोबत ह्या ॲकेडेमी व्यतिरिक्त त्यांना दुसर काय करता येईल? जेणेकरून त्यांना त्यांच्या आयुष्यात स्थिरस्थावर होण्यास मदत होईल.
ह्या वेळेस मात्र ते सगळेच विजयसोबत गंभीरपणे बोलू लागले. एकतर त्यांच्या आई वडिलांना निवांत बसून बोलण्यासाठी वेळ मिळत नव्हता. जेव्हा कधी असा वेळ मिळायचा तेव्हा हे सगळेच बोलण्यासाठीची ही संधी सोडत नव्हते. मग ते आई वडील त्यांच्या ह्या ग्रुपपैकी कोणाचेही असो ते सगळेच एकत्र राहिले होते. त्या सगळ्यांचा स्वभाव जरी वेगवेगळा असला तरी त्यांचे विचार हे जवळपास सारखेच होते.