अवनी एक प्रवास भाग १९

इकडे हे सगळे साखर झोपेत असताना मुंबईला लागून असलेल्या नवी मुंबईच्या एका घरात मात्र आश्चर्याचा पूर आला होता. मध्यरात्रीची वेळ होती, ते घर देखील झोपेच्या अधीन होत. पण त्या घरातली मोठी मुलगी जी नुकतीच काल संध्याकाळी तिच्या सासरवरून तिच्या माहेरी आलेली होती. ती मात्र जाणून जागी होती. तिने तिच्या माहेरी अचानक यायचं कारण सांगितल नव्हत. तरीही त्याकडे दुर्लक्ष करून बाकी मंडळी झोपेच्या अधीन झाली होती. ती मात्र तिचा मोबाईल धरून काहीतरी त्यावर करत होती, मधेच एवढ्या रात्री आलेल्या मेसेजला रिप्लाय देखील करत होती. आलेले ते मेसेज बघून तिच्या चेहऱ्यावर उत्साहाचा नुसताच पूर वहात होता. तो इतका होता की रात्रीची कुंभकर्णाची वेळ आलेली असूनही झोप मात्र तिच्यापासून कोसो लांब होती. त्याला कारणही तसच होत.