अवनी एक प्रवास भाग ३१

“विषय तो नाहीये,” अधीक्षक “ती त्यांच्या गावातल्या पाटलांची मुलगी होती. जस तिच्या आई वडिलांचं अपघाती निधन झाल. तस तिच्या काका आणि आत्याने तिची प्रोपर्टी त्यांच्या नावावर होण्यासाठी तिला आश्रमात सोडलं होत. तिच्या वय वर्ष २५ नंतर ती सगळी प्रोपर्टी तिच्या नावावर होणार होती. त्यामुळे तिला दूरच्या एका होस्टेलमध्ये ठेवलं असल्याचे त्यांनी त्याच्या गावाला पसरवले. आता पंचवीस वय उलटून गेल्यावरही जवळपास सात वर्ष होत आली तरी तिचा काहीच पत्ता न लागल्याने ती सगळी प्रोपर्टी तिच्या लहान्या काकांच्या आणि आत्याच्या नावावर होणार होती. पण कोणीतरी ती मुलगी आमच्या आश्रमांत जिवंत असल्याचे पुरावे तिथल्या नगर पंचायतीमध्ये दिले. मग त्यांच्या नावावर ती प्रोपर्टी काही झाली नाही. आता त्या मुलीच्या नावाची चौकशी करण्यासाठी त्या नगरपंचायतने आम्हाला ती कागद पाठवून त्या संबंधी उत्तर द्यायला लावले आहे.”