बाबांची दुसरी बाजू (भाग १)

आई मला शंभर रुपये दे, मला कॉलेजला जायला उशीर होतोय.रजतने शंभर रुपये मागितलेले पाहून त्याचे बाबा म्हणतात,शंभर रुपये कशासाठी? तुझं कॉलेज तर जवळच आहे. कॉलेजला जाऊन येण्यासाठी चाळीस रुपये लागतात आणि तुला काही खायचं असेल तर वीस रुपये  त्याला फक्त साठ रुपये दे, वरचे चाळीस रुपये देऊ नकोस.”
“अहो बाबा, आज शेवटचा पेपर आहे. मी मित्रांसोबत जरा पार्टीला जाणार आहे.”
बाबा म्हणतात, “पार्ट्या नंतर करा. आधी जरा अभ्यासाकडे लक्ष द्या. एकदा का तू चांगल्या मार्कांनी पास झालास की लगेच तुला नोकरी शोधावी लागेल. त्यामुळे पार्टी राहू दे, चांगला अभ्यास कर आणि चांगल्या मार्कांनी पास हो. आणि तू त्याला फक्त साठच रुपये दे, वरचे पैसे अजिबात द्यायचे नाहीत.”
बाबांचे शब्द ऐकून सारिका रजतला साठ रुपये देते.त्याचवेळी रजत हळू आवाजात आईला बोलतो, “आई, मला शंभर रुपये हवेत. आम्ही आज कॅन्टीनमध्ये जाणार आहोत.”
आई त्याला हळूच दुसऱ्या हातातून शंभरची नोट काढून देते.आणि रजतला हळू आवाजात बोलते, “हे घे शंभर रुपये, बाबांना सांगू नको. आता पटकन कॉलेजला जा.”