बाईपण भारी देवा.. अंतिम भाग

   "छान वाटले की तुम्हाला हे ठिकाण आवडले आहे.चला आता लवकर फ्रेश होऊन काय काय ॲक्टिवीटिज करू शकतो ते पाहूया."काकू म्हणतात.
   मस्त गरमागरम नाश्ता करून त्या सगळ्या तिथे असलेल्या इन्फिनिटी स्विमिंग पुलजवळ जातात.तिथे मस्त गाण्यांच्या म्युजिकवर त्या सगळे विसरून मस्त रेन डान्स करतात.नंतर स्विमिंग पुलमध्ये जावूया असे एकमेकींना म्हणतात.त्यातील रेवा आणि श्रेयाला स्विमिंग येत असते त्या काकूंना आणि रेखाला जबरदस्ती पाण्यात उतरवतात.
एकदा पाण्यात गेल्यावर त्या पाण्याचा गारवा,तिथले वातावरण त्यांचा दमलेला जीव जणू शांत करतो.त्या सगळ्यांना स्विमिंगपुलमध्ये खूपच भारी आणि शांत भासते.जणू कित्येक दिवसांचा त्यांचा शीण निघून जातो.