#बंध रेशमी नात्याचे.. भाग -४७

मी दोनदा पाया पडूनही गुरुजींनी मला आशीर्वाद दिला नाही तेव्हा मला वाईट वाटले पण जेव्हा माझे ऑपरेशन झाले तेव्हा माझी खात्री पटली
की ,मी कधीही आई होऊ शकत नाही.
मी जरी आई नाही होऊ शकले तरी अर्णव बाबा होऊ शकतो म्हणून मला त्याने दुसरे लग्न करावे असे मनापासून वाटत होते. पण कुठे ठाऊक होते ? देवाने आधीच त्याची गाठ रियाशी बांधली होती. रिया अगं तू किंवा अर्णव चुकीचे वागलाच नाहीत. आम्ही दुसऱ्याचे मूल दत्तक घ्यायला निघालो होतो. पण तू तुझ्या मनाचा मोठेपणा दाखवून आपले बाळ आम्हाला द्यायला निघालीस तेव्हा तू माझ्या मनात एक वेगळेच स्थान निर्माण केलेस. जे करायला खूप मोठे मन लागते.