# बंध रेशमी नात्याचे.. भाग -४८

“अर्णव प्लीज! इनफ! आजवर मी फक्त तुला समजून घेण्याचे काम केले पण तू मात्र कमी पडलास मला समजून घेण्यात. त्यावेळी नसता सांगू शकला तरी इथे आल्यावर तू मला विश्वासात घेऊन रियाबद्दल सांगू शकत होतास. नवरा बायकोचे नाते विश्वासावर टिकते हे माहित आहे ना तुला ?
तू इथे नसतानाही मी नाती सांभाळत बसले आणि तू काय केलेस ? तू तुझ्या मूड प्रमाणे वागत राहिलास. मिस्टर अर्णव एकदाही तू मला सांगितले असते की तुझे रियाशी लग्न झाले आहे तेव्हाच मी तुझ्यापासून दूर झाले असते कारण खरे प्रेम केवळ जवळ राहून नाही मिळत. लांब राहूनही तुझ्याबद्दल माझ्या मनात प्रेम असले असते पण आता फक्त तुझी दया येतेय मला तू तुझ्या ओवीला खूप कमजोर समजलास. माझी जबाबदारी म्हणून तू इथे आलास.”