बंध रेशमी नात्याचे.. भाग -५१

ओवीच्या आई ओवी साठी कॉफी आणायला गेल्या.रायजादा हे नाव ऐकले तेंव्हापासून ओवी तिच्या भूतकाळात रमली होती. आज तिला त्या मुलीला पाहिल्यापासून तिचे शाळेतले दिवस आठवत होते. ती ही अशीच अबोल होती. पण अर्णवसारखा मुलगा जेव्हा त्यांच्या शेजारी राहायला आला तेव्हापासून ओवी अगदी बोलकी झाली होती. अर्णव तिला प्रत्येक गोष्टीत सपोर्ट करायचा. तिचा तो बालपणीचा मित्र तिच्यासाठी सगळे जग होता. पण मोठा झाल्यावर त्याचा स्वभाव इतका बदलेल असे ओवीला स्वप्नातही वाटले नव्हते. छोट्या छोट्या गोष्टी शेअर करणारा अर्णव इतकी मोठी गोष्ट लपवून ठेवेल अशी कल्पनाही केली नव्हती ओवीने.
ओवीचे डोळे पाणावले होते.