बापाची माया. भाग - १

संध्याकाळची वेळ होती, झाडांच्या पानांतून सोनेरी सूर्यकिरण अंधुकशे दिसत होते. माधव घराच्या अंगणात तुळशीजवळ दिवा लावत होता. बाजूला ठेवलेल्या जुन्या रेडिओतून मंद आवाजात गाणं चालू होतं. तेवढ्यात समायराचा म्हणजेच त्याच्या मुलीचा आवाज ऐकू आला. त्याच्या घरी फक्त तो आणि त्याची मुलगीच राहत होती. त्याची पत्नी त्याची मुलगी सहा महिन्याची असतानाच हे जग सोडून गेली होती. तो एका शाळेत शिक्षक होता. शाळा विनाअनुदानित असल्याने त्याला पगारही जेमतेमच होता. पण त्याची थोडी फार शेती होती. ती ही तो करत होता.