भाजीत भाजी मेथीची

"हो झालच..खीर ठेवली आहे गॅस वर साक्षीला सांगते लक्ष ठेवायला.अस म्हणत पटकन तोंडावर पाणी घेऊन पुन्हा तयार झाले. साक्षीला सगळ नीट सांगितल आणि घराबाहेर पडले पण निघतांना खिरीला अनुसरून तिचे प्रश्न ऐकले आणि वहिनींना सांगितल तुम्ही व्हा पुढे मी खीर बनवून येते.
फायनली ...सगळा स्वयंपाक आवरून मी पूजेसाठी निघाले..म्हणजे पाया पडायला.
दिवस दुसरा..
सकाळी लेकाचा टिफीन बनवला नवऱ्यासाठी भेंडीची भाजी बनवली आणि तेवढ्यात नवीन सूनबाई उठल्या. आज कामाचा पहिलाच दिवस असल्याने सगळी काम तिने भरभर आवरली म्हणजे फक्त आंघोळ हो.. तेही सव्वा तास.. आता म्हणाल घड्याळ लावून बसली होतीस का? तर नाही हो..लेक शाळेत जायला निघाला आणि त्या आंघोळीला गेल्या म्हणून वेळ लक्षात राहिली.
तर....
रात्री साफ करून ठेवलेली मेथीची भाजी...जी धुवायच्या आधीच रात्रीच कापून सुद्धा ठेवली होती ती भाजी साक्षीने बनवायला घेतली. आदल्या दिवशी गवारची पाणी टाकून शिजवलेल्या भाजीचा धसका घेतलेली मी.. यावेळी किचन मधे उभी राहिले. भाजी कशी बनवते ते बघायला. ओल्या कढईत तेल टाकलं तस तेल आणि पाणी दोन्हीचा मिलाप होऊन ते कढईत थयथयाट करू लागलं त्या सगळ्याला घाबरून एकदम वरून कांदा मिरची टाकत पलेत्याच्या टोकाने कांदा परतणाऱ्या आमच्या मॅडम ना बघून वाटल या दोन तासात काय भाजी होणार नाही म्हणून मग भाजी करायची जबाबदारी मी स्वतः घेतली. कांदा, मिरची, लसूण चांगला पोळून घेतला आणि त्यात आधीच कापून ठेवलेली मेथीची भाजी स्वच्छ धुवून टाकली. वरती फक्त पान असल्यामुळे मला काही समजल नाही पण जशी भाजी परतायला घेतली आणि सगळी जाडी देठ बघून डोक चक्रावल.. शेवटी भाजी शिजून घेता घेता त्यातल्या एकेक काड्या बाजूला काढून टाकत होते. आयुष्यात काड्या टाकणारी खूप पाहिलीत पण भाजीतून काड्या काढणारी मी पहिलीच असेन ना...असो..मीठ टाकून झाल्यावर भाजी थोडे वाफ येऊन द्यायला ठेवली आणि फोन घेऊन बेडरूम मधे गेले तेवढ्यात मागून आवाज आला.