भेटली तू पुन्हा! भाग - आठ

“तुला कळत कसं नाही वारंवार विश्वराज समोर आल्यावर मी .. माझ्या निर्णयावर ठाम राहिल की नाही? भिती वाटते की माझा कंट्रोल सुटून त्याच्याकडे धावत जाऊन मिठीत जाईल.. माहितीये आहे ना तुला .. तरी पण .. माझी साथ द्या ऐवजी त्यांची देतो.. आधी फोन मग ऑफिसमध्ये भेटणं आणि आता घरी ड्रॉप करणं.. एकाच गाडीत अगदी हाताच्या अंतरावर होते. खूप रागवासं वाटलं, चिडावसं वाटलं. असं का केलतं माझ्यासोबत हा प्रश्न विचारावासा वाटतो. ती त्या नभातील चंद्राशी कधी चिडून तर हतबल होऊन बडबडत होती. बोलता बोलता ती दुःखी होऊन डोळे ही ओलावले होते. किती प्रयत्न केला तरी त्या डोळ्यांतील पाणी बाहेर ही आलचं. तिने डोळे पुसले आणि आत गेली.. तिचा नाराज चेहरा आणि डोळे त्याला खूप काही सांगून गेले..