भेटली तू पुन्हा ! भाग - दहा

“हो .. खूप लाड करायच्या माझ्या .. तुझ्या डॅडच्या आधी मला विचारायच्या.. माझ्यासाठी तुझ्या डॅडला रागवायच्या …” बोलण्याच्या नादात ती काय म्हणतेय ते तिला कळतचं नव्हतं.
 
“ तुझे डॅड म्हणायचे तू माझी आई आहेस की हिची? त्यावर आई म्हणायचे भक्तीची आई आहे मी.. काही झालं तरी आई माझ्याच साईडनेच होत्या.” ती आठवणीत हरवून हसून बोलत होती. राज दोन्ही कोपर बेडवर टेकून हातांवर हनुवटी टेकवून कौतुकाने ऐकत होता. अचानकपणे त्याच्या डॅडचा विषय निघाला होता हे तिच्या लक्षात ही आले नव्हते. तो खूपच आनंदित झाला होता. भक्ती ही उत्साहाच्या भरात बोलत होती. जुन्या आठवणींना उजाळा देत होती.