भेटली तू पुन्हा ! भाग - सोळा

भक्ती आणि आदिराज यांनीही दोघाांना हळद लावली. बाकीचे ही एक जण येऊन हळद लावत होता. नातेवाईक एकमेकांना हळद लावून मज्जा मस्ती करत होते. भक्ती बाजूला उभी राहून त्यांची मस्ती बघत होती.. आदिराज ही त्या लहान मुलांसोबत खेळायला गेला.. ती त्याच्याकडे लक्ष ठेवून होती. रावसाहेबांचा फोन आल्यामुळे ती जरा बाजुला होऊन फोनवर बोलत होती. मुलांची पकडापकडी खेळ चालू झालेला. इकडून तिकडे पळत होते.. धावत असतांनाच अचानक त्याचा पाय खाली अंथरलेल्या कार्पेट मध्ये अटकला. त्याच्या मागे धावणारे मित्र ही घाबरून जागीच थांबले. आपण आता खाली पडणार म्हणून त्याने डोळे बंद केले पण तो खाली न पडता मजुबत हातामध्ये आला. हळूच एका डोळ्याची पाकळी उघडून त्याने समोर पाहिलं. समोर अनोळखी चेहरा दिसला.. आदिराज पुढे धावत असतांना वळून मागे पाहत होता आणि कार्पेट मध्ये पाय अडकल्याने तो तोंडावर आपटणार तर समोरून येणाऱ्या त्याच पडणाऱ्या आदिराजकडे लक्ष गेलं आणि त्याने पटकन त्याला दोन्ही हांतावर उचलून घेतले.