भेटली तू पुन्हा ! भाग - एकवीस

भक्ती डोळे करून त्याच्याकडे बघत होती. त्याच्या स्टेप्स त्याचे चेहऱ्यावरचे हावभाव बघून लाजेचे गुलाब गाली फुलेले होते.. त्याच्या डोळ्यांत आर्जव होता तिला मनवण्याचा .एक भूवई उंचावून तिने त्याला वाहवा दिली. त्यानेही डोळ्यानेच थॅक्स म्हटले. तिला सोबत करून तो स्टेप्स घेऊ लागला आणि ती त्या स्टेप्स मॅच करू पाहत होती. जणू विसर पडला होता तिला भुतकाळातील घटनांचा. त्याने तिला गोल फिरवून जवळ ओढलं तशी ती ही हसून त्याच्या जवळ आली. आजही जवळ आल्यामुळे तीच धडधड होत होती.नाचल्यामुळे दोघांचेही श्वास वाढले होते.. नजरा गुंतल्या होत्या. टाळ्यांच्या गजराने दोन्ही भानावर आले.. बावरतच ती बाजूला झाली. तितक्यात समरजित आणि अनन्या आले पुन्हा नाचायला लागले. त्यांच्यासोबत प्रिया राजश्री आणि बाकी मुल मुली ही आल्या.भक्तीला खाली जाण्यासाठी वेळ दिला नव्हता.. ग्रुप डान्स झाला तसे सर्व खाली आले. थोड्याच वेळात जिंकणाऱ्या टिमचे नाव जाहीर होणार होते लगेच होस्ट त्या टिमच नाव जाहीर केलं. वधू टिम जिंकली होती. सगळ्या स्टेजवर गेल्या पण भक्ती तिथे नव्हती.. अनन्याही तिला इकडे तिकडे बघतच होती. . ती सरळ स्टेजच्या मागे वळून तिथून ती तिच्या रूममध्ये गेली.. आता तिला त्याच्या समोर थाबांयच नव्हती. हृदयाची धडधड काही केल्या कमी होत नव्हती.. पुन्हा तेच क्षण डोळ्यांपुढे येऊन तिला हळवं व्हायला होत होतं म्हणून ती कोणालाही न सांगता रूममध्ये निघून आली.