भेटली तू पुन्हा ! भाग - चाळीस

 भक्ती आणि विश्वराज गाडीत बसून त्यांच्या प्रवासाला  निघाले. सकाळची शुद्ध हवा असल्याने भक्तीने खिडकीची काच खाली केली आणि  खिडकीकडे पाहत थंड हवा ती चेहऱ्यावर घेत होती..  विश्वराज गाडी चालवत अधून मधून तिच्याकडे बघत होता.. तयार होऊन आल्यावर त्याचे तर फ्युज उडाले होते.. भक्ती च्या बोलण्याकडे तर लक्ष नव्हते.. थोड्या मोठ्या आवाजात डोळे वटारून त्याला आवाज दिला. तेव्हा कुठे तरी आपण काही तरी माती खाल्ली हे त्याच्या लक्षात आले.. तो ब्लॅक कॉफी तर ती चहा घेऊन निघाले.. मध्येच रस्त्यात एका हॉटेलला थांबून नाश्ता करून ते पुढच्या प्रवासाला लागले.. गाडीत तशी शांतता होती. त्याने शांतता भंग करत बोलायला सुरवात केली..