भेटली तू पुन्हा ! भाग - एकेचाळीस

“ आबासाहेब ठिक आहेत जावाई राजे. एकलुते एक जावाई आहात या घरचे .. या घरची रित आहे ती .  प्रभा त्यांच्या पानात बासुंदी वाढ.” त्याचा संकोच लक्षात घेता आजीसाहेब ओळखून म्हणाल्या. प्रभा जातीने लक्ष देत होती तर भक्ती राजला तिच्या हाताने भरवत होती.. राज त्याच्या डॅड जवळ बसलेला होता. सगळ्यांची जेवण झाली. आजीसाहेबां सोबत थोड्या फार गप्पा मारून भक्ती रूममध्ये गेली. रूममध्ये आल्यावर विश्वराज आणि आदिराज मस्ती करत होते..  विश्वराजन तिच्याकडे एक नजर बघितले. दोघांची  आर्म रेस्लिंग फाईट चालू होती आणि त्यात आदिराज जिंकलेला . आनंदाने उडया मारत नाचत होता.. 
भक्ती फ्रेश होऊन नाईट सुट घालून ती नाइट रुटिन करून बेडवर गेली.