भेटली तू पुन्हा ! भाग - बेचाळीस

“ मला असं काहीच होत नाहीये. खाली डायनिंग टेबलवर सर्व तुमची वाट बघत आहे हे सांगायला आले होते.” तिच्या पाठीला भिंतीचा स्पर्श झाला आणि तिथेच ती स्तब्ध झाली.. विश्वराज ही तिच्याजवळ आला. त्याने त्याचे दोन्ही हात भिंतीवर टेकवले.. दोघांमध्ये अंतर कमी होत होते.. तो तिच्या डोळ्यांकडे मध्येच ओठांकडे बघत जवळ येत होता.. त्याचे गरम श्वास तिला चेहऱ्यावर जाणवत होते. आधीच त्याच्या शरीराच्या सुंगधाने रोम रोम शहारात होती.. काही सुचत नव्हते. विश्वराजने भिंतीला दोन्ही हात लावून तिला कव्हर केले होते. तिथून हलण्याचीही जागा नव्हती. तो तिच्या ओठांवर ओठ टेकवणार इतक्यात “राज आलास तू .” भक्ती पटकन सुचेल ते दाराकडे बघत म्हणाली. आणि विश्वराज पटकन बाजूल झाला. तो मागे वळून बघण्याआधी भक्ती तिथून बाहेर पडली. त्याला राज तर दिसला नाही पण भक्ती ही तिथे नव्हती..