भेटली तू पुन्हा ! भाग - चौपन्न

"आई, माझ्याकडे भरपूर ड्रेस आहेत. हे तुझ्यासाठी, रमाकाकू साठी आणलेत. आपण तिकडे गेल्यावर हे घालायचे आहेत." भक्तीने हा निर्णय सांगूनच टाकला आणि उद्याच्या तयारीला लागली. सर्वात आधी आईच्या बॅगमध्ये औषधे भरली. आईला लागणाऱ्या वस्तू काळजीपूर्वक भरल्या, नवीन ड्रेस बॅगेत पॅक केले. रात्रीचे जेवण झाले तसे अंजलीने तिला जबरदस्ती तिच्या बेडरुममध्ये पाठवले. ती पाय आपटतच त्यांच्या रुममध्ये आली, तेव्हा विश्वराज बेडवर आडवा तिडवा झोपलेला होता.(मुद्दामहून तिला त्रास देण्यासाठी त्याची नाटकं दुसर काय?) त्याचं जोराजोरात घोरणे चालू होतं.