भेटली तू पुन्हा ! भाग - चार

“ मम्मा मला झोप आलीय.” तो आळसावलेला आवाजात म्हणाला.
“हो चल रे पिल्लू .” तिने सगळे विचार बाजूला ठेवून राजला कडेवर घेतले. त्याने त्याचे दोन्ही हात तिच्या गळ्याशी लावून खांद्यावर मान ठेवली आणि लगेच झोपून ही गेला. त्याला व्यवस्थित बेड वर ठेवून त्याच्या अंगावर पांघरून घालून तिही त्याच्या शेजारी आडवी झाली. एका हाताने त्याला थोपटत उद्याचा  विचार करत होती. आजच्या दिवशी जरा जास्तच हेक्टिक झाली असनूही निद्रादेवी प्रसन्न होत नव्हती.. वारंवार आज पाहिलेली त्याची प्रतिमा डोळ्यांसमोर येत होती. मनाच्या एका कोपऱ्यात अजूनही तो तसाच होता ‘फक्त तिचा’.
 “नाही तो .. माझा नाहीये.” एक चुकार थेंब तिच्या डोळ्यांतून घरंगळला.