भेटली तू पुन्हा ! भाग - बावन्न

भक्तीच्या कॉलेजमध्ये डान्स कॉम्पीटीशन असल्यामुळे सकाळीच ती लवकर आवरून कॉलेजला जात होती. त्याच्याशी बोलायला भांडायला ही तिला वेळ नव्हता. जिंकली तर ती ती रक्कम एका छोट्या मुलाच्या डोळ्यात रंग भरणार होती म्हणून ती जीव तोडून मेहनत करत होती. अगदी उद्याच कार्यक्रम होणार होता. आजही ती रिअसल करून फार दमली होती. त्यात थोडा  ताप ही आलेला ..पायाची वाट लागली होती. थकून ती सोफ्यावर झोपून गेली. झोपेतच पाय दुखत असल्यामुळे ती कण्हत होती. पोटाजवळ पायाचे मटकुळे करून झोपली होती. विश्वाला  रात् घरी पोहचण्यासाठी रात्रीचे बारा वाजले होते. रुममध्ये आल्यावर त्याच्या कानावर तिच्या कण्हणचा आवाज पडला. तो तिच्या जवळ गेला. तिच्या कपाळावर हात ठेवला तर त्याला चटकाच बसला. तिला चांगलाच ताप भरला होता. त्याने तिला उचलून बेडवर आणलं आणि डॉक्टरांना कॉल करून बोलवून घेतले. अंजलीला सांगणं त्याने टाळलं. डॉक्टर आले त्यांनी चेक केलं. ताप खूप जास्त होता. त्यांनी मेडिसीन लिहून दिलं.