भेटली तू पुन्हा ! भाग - त्रेपन्न

भक्ती देहभान विसरून नृत्य करण्यात हरपली होती तिचं ते रूप पाहून विश्वाला आणखी एक शॉक बसला होता. भक्ती इथे असेल हे त्याला स्वप्नातही वाटलं नव्हतं. तिच ते मनमोहक रूप पाहून त्याचे डोळे बाहेर यायचे बाकी होते. गाणं संपल तसं हॉलमध्ये सर्वत्र टाळ्यांचा कडकडाट झाला. विनर घोषित झालं आणि त्या दोघांना स्टेजवर आमंत्रित केलं. भक्ती आणि प्रियांश यांनीसोबत नृत्य केले. त्यांना बोलवलं आणि बक्षिस देण्यासाठी विश्वाला बोलवलं. आता शॉक बसायची वेळ भक्तीची होती. तो इथे चिफगेस्ट म्हणून येणार हे तिलाही माहित नव्हते. त्याला समोर पाहून तिची भितीने वाट लागत होती. स्वतःला नॉर्मल करत विश्वाच्या हातून पारितोषिक आणि घेऊन हलकी स्माईल करत ती जायला वळली. दोन पावलं उचलली की तिला गरगरायला लागलं आणि प्रियांशने तिला कमरेतून पकडलं तस विश्वाच्या मुठी आपोआप आवळल्या गेल्या. भक्तीने डोळे बंद केले. प्रियांश तिला उचलणार तोच विश्वा पुढे येवून तिला उचलून घेतले. सत्यनला ही शॉक बसला होता. भक्तीची अवस्था पाहून त्याला वेदना होत होत्या. ती बेशुद्ध पडताच विश्वाच्या हृदयातून कळ निघाली. सत्यनही पाठोपाठ गेला. विश्वाने गाडीत मागच्या सीटवर तिला ठेवले आणि तो दुसऱ्या साईडने तिच्या जवळच बसला. सत्यनने पटकन ड्रायव्हिंग सीटवर बसून गाडी स्टार्ट केली. मध्येच विश्वराज तिच्या गालावर थपथपवून उठवण्याचा निष्फळ प्रयत्न करत होता.. सत्यन ही मध्येच मागच्या आरशातून तिलाच बघत होता. बेशुद्ध पडल्यावर तो ही कासावीस झालेला होता..