भेटली तू पुन्हा ! भाग - पंचावन्न

"कोणाशी बोलत होती ही, हा संजू कोण आहे?" ती गेल्यावर विश्वा विचारात पडला होता. ती बाहेर गेली आणि कमला सोबत बाहेरचा मागचा परिसर सगळीकडे फिरुन आली. कमला तिला आजूबाजूची माहिती देत होती. मध्येच विश्वाच्या लहानपणीचे किस्से सांगत होती. भक्ती मन लावून सर्व ऐकत होती. त्यांना मूलबाळ नव्हते विश्वाला ते पोटच्या पोरापेक्षा जास्त माया लावत होते.अंजलीने किती प्रेमाने माणसांना जवळ केले होते. अंजलीचा चेहरा डोळ्यासमोर आला आणि तिला भरुन आलं आणि घळाघळा तिच्या डोळ्यांतून अश्रू बाहेर पडले.