भेटली तू पुन्हा ! भाग - सत्तावन्न

दोन तीन दिवस भक्तीने अंजलीच्या  बकेटलिस्ट मधील इच्छा पूर्ण केल्या. या दिवसात ती अंजलींना एक मिनिटांसाठीही दूर ठेवल नव्हतं. कायम त्यांच्या सोबत राहत होती. भक्ती अंजलीची तिच्या परिने काळजी घेत होती.आणि सगळ्यांचा निरोप घेऊन परत मुंबईला रवाना झाले. या दिवसात सतत बोलणारी ती एकदाही त्याच्याशी बोलली नाही. त्याने ही खूप प्रयत्न केले तरीही ती बोलत नव्हती. त्याने सॉरी कार्ड लिहून ठेवले तर तिने ते डस्टबिन मध्ये त्याच्यासमोरच फेकले. फुल देवून झाले पण काहीच नाही. तिला चॉकलेट्स आणले तर तिने ते सगळ्यांना वाटून दिले. राग तर कधीच गेला होता, पण तिला तो दाखवायचा नव्हता ना भक्ती मॅडमला. भक्ती त्याच्यासोबत बोलत नसल्यामुळे त्याच्याशी भांडण नसल्यामुळे त्याला अस्वस्थ वाटत होते. त्यात तिचं दोन तीन वेळा संजूशी बोलणे ऐकून त्याला संजू विषयी उत्सुकता लागली होती. संजू कोण, तिचा मित्र की प्रेम करते ? कोणी का असेना, असंही एक वर्षापर्यंत ती आपल्या सोबत आहे नंतर ती निघून जाईल. पण मी इतका विचार का करतोय तिचा? कारण मला ती आवडायला लागली की प्रेम करायला लागलो तिच्यावर? का अस्वस्थ होतंय मला ती बोलत नाहीये तर? का मी तिच्यामागे घुटमळतोय.' असे भलतेसलते प्रश्न निर्माण होत होते. या प्रश्नाने त्याला जास्तच अस्वस्थ होत होते