ब्लॅक होल ( कृष्णविवर)

               आकाशगंगेचा राक्षस! होय... या ब्लॅक होल्सना राक्षस म्हणूनही संबोधल जातं. भल्या भल्या ग्रहांना गिळंकृत करणारा राक्षसच नाही का? आता या ब्लॅक होलच्या आत नक्की आहे तरी काय? हे एक रहस्यच आहे. कारण त्यात गेलेली कोणतीच वस्तू परत येऊ शकत नाही. जसजसे कृष्णविवराच्या जवळ जावे तसा वेळ आणि काळ ही मंदावतो. शास्त्रज्ञांच्या मते कृष्णविवरातून कोणतीच वस्तू बाहेर पडू शकत नाही अगदी प्रकाशही परतत नाही पण जगप्रसिद्ध भौतिकशास्त्रज्ञ स्टीफन हॉकिंग यांचे विचार मात्र याला अपवाद ठरले. स्टीफन हॉकिंग यांच्या मते 'कृष्णविवर हे एक वार्म होल असावे. तिथे जाता येते पण परत येता येतं नाही. कदाचित ब्लॅक होल दुसऱ्या एखाद्या जगाचा/ विश्वाचा आरंभ असावा. त्यात भरपूर माहितीही असावी जी ऊर्जेच्या स्वरूपात साठवलेली आहे. पण ती माहिती मिळण्यासाठी कृष्णविवरातून कोणी बाहेर तरी यायला हवे पण हे कदापि शक्य नाही.' त्यांचे हे वक्तव्य खरोखरचं गूढ आहे...