ब्रम्हांडातील प्रेम ३ अंतिम भाग

मला तुझ्या रूपात ती मिळाली. खरे सांगायचे तर मी तुला त्यावेळी फसवतच होते. पण हळूहळू मी कधी तुझ्या प्रेमात पडले, हे मला देखील कळले नाही. तुझ्या आईकडून मला होणारा त्रास बघून तू तुझ्या मनात नसताना देखील वेगळा झालास आणि मला त्या त्रासापासून वाचवले आणि त्यामुळेच मला इथल्या गोष्टींचा अभ्यास करता आला. आता तुला कळले असेल मी आई होण्यासाठी का टाळाटाळ करत होते. डॉक्टरांकडे देखील जात नव्हते, कारण वरून जरी आम्ही तुम्हा मानवासारखे दिसत असलो तरी आमची शरीरसृष्टी थोडीशी वेगळी आहे. आमचे रक्त लाल नसून थोडेसे पांढरे आहेत आणि त्यामुळेच आम्हाला हा रंग प्राप्त झाला आहे.